- Thursday, 27 September 2012 16:45
ញាណ
របស់យើងគឺមានទំនាក់ទំនងទៅនឹងខួរក្បាលរបស់យើងមិនថាពេលយើង
ត្រូវស្ថិតក្នុងពេលស្ងប់ឬពេលប្រុងប្រយត្ន័ទេ។
ទោះជាពេលយើងស្ថិតនៅក្នុងអារម្មណ៍ស្មុគ្រស្មាញក្នុងជីវិតក៏ដោយ
តែការស្រាកស្រានក្នុងអារម្មណ៍របស់យើងជួយឲ្យប្រព័ន្ធរាងកាយ
ស្រាកស្រានដែរ។
ចូរស្វែងរកភាពរីករាយជុំវិញខ្លួនអ្នកនៅពេលដែលអ្នកមានអារម្មណ៍
ស្មុគ្រស្មាញនិងមានជំងឺនោះប្រព័ន្ធក្នុងក្នុងរាងកាយរបស់អ្នកនឹង
ប្រសើរឡើង។មុននឹងធ្វើការពិនិត្យដោយប្រើប្រព័ន្ធ(MRI) លោកDavidអ្នកបច្ចេកទេសឧបករណ៍ MRIបាននាំយកមធ្យោបាយសំងាត់របស់គាត់ចេញមកប្រើ។
គាត់បង្ហាញធុងពណ៍ខ្មៅមួយដែលពេញទៅដោយស៊ីឌីគ្រប់ប្រភេទដូចជា ស៊ីឌីរបស់Beethoven, James Taylor, Yanni, Frank Sinatra, the Eurythmics, និង Alanis Morissetteជាដើម។ ពេលដែលអ្នកទម្រេតនៅតុវិភាគ គាត់នឹងចាក់ស៊ីឌីតាមជំរើសដែលអ្នកចង់បាន។ មិនយូរប៉ុន្មានតន្ត្រីនឹងបន្លឺតាមកាសត្រចៀករបស់អ្នក បន្ទាប់មកគាត់គ្របភ្នែករបស់អ្នកដោយកន្សែងបិទភ្នែកដែលមានក្លិន ប្រេងត្រសក់ឬក្លិនប្រេងផ្កាឡាវិនឌើ។
ដោយភាពស្ងប់ស្ងាត់ អ្នកជំងឺក៏ត្រូវបានគេបញ្ចូលទៅក្នុងដំនើរការពិនិត្យដោយឧបករណ៍MRI។
សម្លេងតន្ត្រីប្រហែលជាមិនអាចលុបបាត់សម្លេងដំនើរការរបស់ម៉ាស៊ីនទេ ប៉ុន្តែតន្ត្រីនិងក្លិនប្រេងអាចជួយឲ្យអ្នកជំងឺបាត់បង់ ភាពស្មុគ្រស្មាញនិងអារម្មណ៍ធុញថប់ អំឡុងពេលដែលគេហៅថា បទពិសោធន៍ខ្លាចទីចង្អៀតនិងអារម្មណ៍ភ័យញ័រជាដើម។
មានអ្នកថែទាំសុខភាពជាច្រើនបាននិយាយថា ពួកគេប្រើប្រាស់វិធីសាស្ត្រទាំងនេះនិងវិធីសាស្ត្រដទៃទៀត ដើម្បីជួយអ្នកជំងឺឲ្យចៀសផុតពីភាពធុញថប់កំឡុងពេលវិនិច្ជ័យរោគ និងមុនពេលធ្វើការវះកាត់។ លោកDavid និយាយថាក្រុមធ្វើការងារជាមួយគាត់ គឺបុគ្គលិកខាងវិទ្យុសាស្ត្រ បានរកឃើញថានេះគឺជាការពិត។
ការសិក្សាមួយអំពីស្ត្រីសម្រាលបុត្រ បានរកឃើញថា វិធីសាស្ត្រប្រើប្រាស់ក្លិនដាក់ជុំវិញអ្នកជំងឺជាមួយនឹងក្លិនរីករាយ បានជួយពួកគេឲ្យមានអារម្មណ៍ស្ងប់និងមានអារម្មណ៍ស្ថិតក្នុង ការគ្រប់គ្រង។ មានចំនួនច្រើនជាង៨០ភាគរយនៃស្ត្រីទាំងនោះ បានវាយតម្លៃថាការព្យាបាលដោយប្រើក្លិនមានប្រសិទ្ធភាពអាចជួយពួកគេ បាន ទោះជាក្នុងពេលឈឺចាប់បំផុតក្នុងពេលឆ្លងទន្លេក៏ដោយ(Oxford University 2002a)៕ ប្រភពព័ត៌មាន ៖ Health.com.kh
0 comments