ថ្ងៃទី 16 ខែកក្កដា ឆ្នាំ2012, ម៉ោង 03:07 PM អង្គរធំ
ការទទួលទានអាហារ គឺជារឿងចាំបាច់ សម្រាប់មនុស្សគ្រប់រូប ដើម្បីបំពេញតម្រូវការរាងកាយ រួមទាំងព្យាបាលជំងឺផងដែរ។ ប៉ុន្តែ អាហារមួយចំនួន ក៏មានចំណែកធ្វើឱ្យកើតជំងឺ ជាពិសេស ចំពោះអ្នកដែលកើតមុន គួរចៀសវាង ទទួលទានអាហារ ៣ប្រភេទខាងក្រោម...។
១.ផលិតផលធ្វើពីទឹកដោះគោ៖
ដូចជា ទឹកដោះគោមានរសជាតិផ្អែម ហ្វ្រូម៉ា យ៉ាអួ ការ៉េម នំខេក នំស្រួយ និងអាហារដែលមានលាយរសជាតិទឹកដោះគោ ព្រោះទឹកដោះគោ ជាប្រភេទអាហារពិបាករំលាយ។ នៅពេលទទួលទានចូលទៅ វាស្តុកនៅក្នុងក្រពះ ធ្វើឱ្យបាក់តេរី រីកធំធាត់ ហើយពេលដែលបាក់តេរីទាំងនោះ មានកាន់តែច្រើន វាអាចបង្កឱ្យកើតមុន បាន។ ប្រសិនបើបារម្ភខ្លាចខ្វះសារធាតុអាហារ អ្នកអាចទទួលទានអាហារប្រភេទផ្សេងទៀត ដូចជា ស៊ុត តៅហ៊ូ សណ្តែកប្រភេទផ្សេងៗ ត្រីតូចៗ និងសាច់សត្វ ដើម្បីបំពេញបន្ថែមសារធាតុ ប្រូតេអ៊ីន និងកាល់ស្យូម។
២.អាហាររសជាតិផ្អែម៖
ជាប្រភេទអាហារដែលធ្វើឱ្យបាក់តេរីលូតលាស់ នៅក្នុងក្រពះ។ ម៉្យាងទៀត វាធ្វើឱ្យមានបម្រែបម្រួលអ័រម៉ូនក្នុងរាងកាយ ដែលជាមូលហេតុមួយ នាំឱ្យកើតមុន ផងដែរ។
៣.សារធាតុកាហ្វេអ៊ីន៖
សារធាតុកាហ្វេអ៊ីន ដែលមានក្នុងតែ កាហ្វេ ភេសជ្ជៈប៉ូវកម្លាំង និងទឹកក្រូច សុទ្ធតែជាមូលហេតុធ្វើឱ្យបាក់តេរីរីកធំធាត់ និង បង្កើនជាតិពុល នៅក្នុងរាងកាយ ជាហេតុបណ្តាលឱ្យកើតមុន ញឹកញាប់៕agkor thom
0 comments